انواع الموتوسيكلات الممكن السفر بها

السفر علي موتوسيكل

اولا احب ان اوضح ان كل مااكتبه هنا يعبر عن ارائي الشخصية  المبنية علي معرفتي الخاصة و رحلاتي السابقة ( يعني بالعربي ممكن تكون مختلفة 
مع اراء اخري  )

لماذا السفر علي موتوسيكل ؟

ببساطة و انا علي الموتوسيكل اشعر بالحرية المطلقة. و بالنسبة لي هو الحصان او الجمل للسفر في عصرنا .
 زمان اجدادنا كانوا بيسافروا ازاي ؟ بالحصان او الجمل و الحمار او سيرا علي الاقدام . فالموتوسيكل اسهل و اسرع من وسيلة سفر اجدادنا

طبعا فيه مشقة للسفر علي الموتوسيكل  بس هي حزء من المتعة

و الموتوسيكل يتيح لي اني ازور مناطق وعرة صعب زيارتها الا بسيارة خاصة (دفع رباعي مثلا )

كمان علي الموتوسيكل انا املك الوقت و المكان .بمعني انا رحت شرم الشيخ مثلا و ماعجبتنيش اقوم مدور الموتوسيكل و اروح مكان غيرها مش لازم انتظر اتوبيس و لا قطر

و مقارنة بالسيارة ,الموتوسيكل بيخليني اركز في كل متر باسوقه و باستمتع بالمناظر حولي بعكس السيارة ممكن انشغل بسماع الموسيقي او اتكلم مع حد معايا

كمان هو وسيلة تواصل مع شعوب الاماكن اللي بازورها لان الموتوسيكل وهو محمل بكل عتادي بيبقي شكله ملفت للنظر .بيخللي الناس تيجي تتكلم معايا و تقوللي رايح فين و جاي منين . فاعرف عن البلد اكتر و كمان اكتسب صداقات عديدة .

اي نوع من الموتوسيكلات المناسب للسفر ؟

اولا اي موتوسيكل ممكن يسافر اي مكان و يقطع الاف الكيلومترات

يوجد العديد من العناصر التي تحدد الموتوسيكل المناسب و هي تختلف من شخص لاخر:

اهم نقطة هي المعرفة الجيدة لموتوسيكلك و امكانية التعامل مع اعطاله

من وجهة نظري كلما كان الموتوسيكل بسيط في التكنولوجيا امكن التعامل مع اعطاله بسهولة اكتر

يجب اولا معرفة انواع الموتوسيكلات :

: من الممكن تقسيم الموتوسيكلات الي ما يلي

 الموتوسيكلات المخصصة للاستعمال في المدن :

Mopeds scooters and small bikes

وهي موتوسيكلات مخصصة للاستخدام داخل المدن  السعة اللترية لها صغيرة نسبيا

(50 الي 250 سي.سي )

و من الممكن السفر بها و لكن بسرعات منخفضة و ايضا يعيبها صغر حجم تنك الوقود و القدرة المحدودة علي حمل كل عتادك من مياه و طعام و عدة تخييم

و لكن يميزها تواجد قطع الغيار في كل مكان  و سهولة نقلها في اي سيارة  نصف نقل في حالة تعذر اصلاحها, سهولة قيادتها في الطرق الممهدة و غير الممهدة و الميزة الكبري انها رخيصة الثمن

الموتوسيكلات المخصصة للسرعات العالية

Racing bikes

و هي موتوسيكلات مخصصة للسرعات العالية

و تتميز بقوة الموتور و السرعة العالية

و لكن يعيبها وضعية القيادة المتعبة و صغر حجم تانك الوقود و الاستهلاك العالي للوقود , قدرتها محدودة لحمل العتاد و صعوبة استعمالها في الطرق غير الممهدة

و اشهر الموديلات

Honda CBR, Suzuki GSXR, Yamaha R, Kawasaki ZXR

  الكروز بايكس او التشوبر

Cruise bikes, chopper

تتميز بالمظهر الجميل وهي مناسبة للسفر علي الطرق الممهدة

وتتميز بوضعية قيادة مريحة

يعيبها صغر حجم التانك و ارتفاع استهلاك الوقود

صعوبة قيادتها علي الطرق غير الممهدة

و اشهر الموديلات

Harley Davidson, Honda VTX,

 الموتوسيكلات المخصصة للقيادة علي الطرق غير الممهدة

Off road motorbikes

تتنوع محركاتها من 100 سي سي و حتي 650 سي سي

تتميز بقوة تحمل كبيرة و القدرة علي القيادة علي مختلف الطرق و مقدرة علي حمل كل العتاد الازم للرحلة

يعيبها البطء النسبي علي الطرق الممهدة و السريعة 

من اشهر الموديلات المستخدمة للسفر

Suzuki DR, Yamaha XT,

 Honda XR, Kawasaki KLR  

موتوسيكلات ثنائية الاستخدام

Dual sports bikes

وهي موتوسيكلات تجمع بين موتوسيكلات معدة للقيادة علي الطرق السريعة و الممهدة و كذلك الطرق غير الممهدة

و في اعتقادي هي انسب نوع للسفر

و اشهر الموديلات

Honda Africa twin, Yamaha super Tenere, BMW GS  

the giant touring bikes موتوسيكلات التورينج العملاقة
مثل الجولد وينج او هارلي الكترا جلايد وهو موتوسيكل كبير الحجم و حجم موتور كبير
و به كثير من الاضافات
و من عيوبه صعوبة قيادته علي الطرق غير المعبدة