Saturday, December 8, 2012

رحلة النيل
بعد رحلتي عبر افريقيا عام 2009 -2010  قررت ان تكون رحلتي القادمة ايضا الي افريقيا  و اخترت ان تكون لدول النيل في شرق ووسط افريقيا و ذلك لاهمية تلك الدول و ايضا في محاولة فردية مني كمصري  لوضع مزيدا من الضوء علي العلاقات المصرية الافريقية علي مستوي الافراد و المواطنين لأن العلاقات المصرية الافريقية شهدت فتورا و اهمالا شديدا خلال فترة حكم الرئيس السابق حسني مبارك . و كنت متوسم خيرا  بعد ثورة 25 يناير فقررت ان اعد للرحلة من  اكثر من سنة و نصف .
اليوم هو 8 ديسمبر 2012 . رحلتي بدأت و الاحداث مشتعلة في مصر من  حاكم اقل مايمكن وصفه هو انه  مبارك بس بدقن .
اللهم احمي مصر و شعبها
الحسنة الوحيدة لمرسي حتي الان  من وجهة نظري هو زيارته لعدة دول افريقية .
انا مؤمن ان طريق مصر للتنمية و التطور و انتعاش الاقتصاد هو بالتوجه جنوبا نحو افريقيا اكبر سوق مستهلك  و فرص واعدة للاستثمار  و تعاون و تكامل بين الدول الافريقية خاصا  محور مصر - السودان - اثيوبيا . يمكن خلال شهور قليلة ان يكون هناك بداية اتعاون مثمر في عدة اتجاهات اهمها تجاريا   و زراعيا
نتكلم علي الرحلة
انا عادة احب دائما ان اكون متفائل و ان اعطي  طاقة ايجابية  لكل من حولي علشان يبقي عنده امل في مجاله .
الاحوال في مصر ماتخليش اي حاجة ايجابية خالص بس انا متفائل جدا ببساطة لأن بلدي هي مصر . البلد المباركة في جميع الاديان السماوية.
فيه ناس ساعدتني كتير في رحلتي  و ناس سدت نفسي و نفس اللي جابوني  
قائمة الشرف
يارب مانساش حد من اللي كانوا واقفين معايا و بيساعدوني
والدتي بالطبع
محمد انور مختص الصيانة للموتوسيكل 
شريف حجازي صديقي من الاسكندرية 
ايهاب حسنين  صديقي من القاهرة 
سيادة السفير وائل نصر بوزارة الخارجية 
السفيرة مني  عمر
استاذة  علياء برهان من الخارجية المصرية 
واوجه لها كل الشكر و التقدير علي جهودها 
استاذ طارق قطب من الخارجية المصرية 
دكتور محمد ابو الوفا من الخارجية المصرية 
استاذة فاطمة الزهراء من الخارجية المصرية 
احمد الزغبي صديقي من الاسكندرية و جروب اليكس سكوترز
المهندس ايهاب منصور من شركة المقاولون العرب 
البطل المصري عمر سمرة اول مصري يتسلق جبال العالم 
يا عمر انت بجد شخص هايل ربنا يوفقك علي الدوام 
صالح الشريف من الامارات 
مجاهد و جول زيرو 
غادة الحلواني و مبادرة ماستر بيس 
نادي السيارات و صديقي وائل عبد الجليل
الدكتور  منير  هنيدي ضابط المرور المحترم بالعجمي الاسكندرية
طارق لاشين من شركة اوجيلفي للدعاية 
اما الاشخاص السلبية و اللي للاسف ضيعت وقتي معهم  علي رأسهم وزير الرياضة العامري فاروق . كان شخص جميل و هايل امام الصحافة و الكاميرا و اول ما الكاميرا قفلت تحول الي شخص اخر . سيادة الوزير انا بدات رحلتي ووعودك كلها في الهواء كلام بس . لو اعرف اني حاقابلك علشان اتصور معاك كام صورة امام الصحافة اكيد ماكنتش جيت 
استاذ محمد عبدالوهاب بوزارة الرياضة . انا اللي منعني اني اكون قليل الادب معاك هو سنك انت مثل لمن يتوهم انه عنده سلطة . انا ماكنتش جاي اشحت من زارة الرياضة   . امتي تفهموا انكم موظفين لخدمة الشعب و مرتباتكم و مكاتبكم  دي من قوت الشعب انا كنت باحسب نفسي بحكم اني رحلاتي تندرج تحت النشاط الرياضي و انه سيكون فيه اهتمام بالرحلة من جانبكم خصوصا اني بارفع علم مصر مش علم اسرائيل  
 طبعا فيه في مصر اتحاد لرياضة الموتوسيكلات  بس انا مابعرفش ايه دوره في رياضة 
الدراجات النارية ؟؟ 
المتحكم في امور الاتحاد هو ابراهيم فريد او المعروف بايمن فريد . للاسف انا اعرفه .  كويس و قابلته كذا مرة و للاسف كل رحلة اتواصل معاه و اقابله  و اقوله اني طبعا اتمني ان رحلاتي تكون تحت راية الاتحاد . ليس الا انه الجهة الرسمية و المفترض فيها انها مسئولة عن نشاط الدراجات النارية  
   
كفاية بقه اشياء سلبية و نبدأ الرحلة علي بركة الله و كلي طاقة.

.................. اللهم سهل الطريق و اعني يارب         
     
       
 

اغراض السفر

تذكر كلما خف وزن الموتوسيكل و الاغراض يكون احسن للرحلة خصوصا لو في طرق غير ممهدة و صعبة .
. اختار الالوان التي تتحمل الاتساخ يعني بلاش البيض و الالوان الفاتحة .
عدد 3 تي-شيرت
  - ملابس للنوم ويفضل استخدامها عند النوم فقط حتي لاتتسخ
- بنطلون جينز
- بنطلون بجيوب ( كارجو بانت )
- شورت للسباحة
  - قميص انيق لزوم المقابلات الرسمية خلال الرحلة
- حذاء رياضي او كاجوال
  - شبشب للاستحمام و يريح من بوت الموتوسيكل عند التوقف
- ملابسك الداخلية
- فوطة مناسبة الحجم و اخري صغيرة للوجه
  الاغراض الشخصية
- ادوات حلاقة
– فرشاة اسنان و معجون
- بودي سبراي (ريحة يعني و يفضل تكون مضاد للعرق )
- بودرة تلك و بجد مهمة لمنع التسلخات
- كريم للوجه و يفضل يكون كريم للتقليل من الشمس
- علبة فازلين طبي صغيرة ( اطراف الاصابع و الشفايف تتعرض للجفاف و التشققات ومؤلمة جدا)
- خيط و ابرة لزوم اصلاح الملابس

- شنطة اسعافات اولية
و يراجع طبيب لمعرفة محتوياتها و قد تختلف مكوناتها تبعا للدول التي سوف تقوم بزيارتها و يفضل بالطبع ان تحصل علي كورس اسعافات اولية و كيفية التعامل في الظروف الصحية الطارئة






. انواع الحقائب التي تستخدم للسفر

  تتنوع الحقائب التي تتضاف للموتوسيكل عاما الي 3 انواع
معدنية او بلاستيك او قماشية
انا افضل الحقائب المعدنية  لقوة تحملها و يكمن اضافة العديد من اغراض السفر لها مثل جراكن البنزين و زجاجات للمياه  ويعيبها غلاء الثمن