الرحالة المصري عمر الفردي: اعداد الموتوسيكل للسفر لرحلات طويلة...

الرحالة المصري عمر الفردي:
اعداد الموتوسيكل للسفر 
 معظم البايكرز في مصر بتر...: اعداد الموتوسيكل للسفر    معظم البايكرز في مصر بتركب موتوسيكلات كروز او موتوسيكلات ريس  و من وجهة نظري المتواضعة و احترامي ان لكل ...

اعداد الموتوسيكل للسفر 

 معظم البايكرز في مصر بتركب موتوسيكلات كروز او موتوسيكلات ريس 

و من وجهة نظري المتواضعة و احترامي ان لكل واحد طريقة تفكيره و حرية اختياره 

بس مصر كطبيعة و حالة الطرق  فيها انا اري ان انسب انواع الموتوسيكلات هي

  الاوف رود او الموتوسيكلات او اون - اوف رود 

و حاحاول اشرح انا بجهز موتوسيكلي ازاي للسفر  و ايه اللي باضيفه 

بالطبع دي تجربتي الخاصة و زي مابيقول المثل كل شيخ و له طريقة 

يعني مش لازم اكون انا صح  او ان اللي باقوله هو اللي لازم يتعمل بس خللي بالك انا اللي حاكتبه هنا بعد الكثير من التجارب خلال اكثر من 14 سنة سفر بالموتوسيكل 

و حيكون مثلي هو موتوسيكل الافريقا توين 

الحالة الميكانيكية و الفحص قبل السفر 

يجب معرفة حالة الموتوسيكل قبل السفرو التأكد من انه صالح للسفر  و الجهة اللي انت رايحها 

تغيير الزيت و فلتر الزيت 

تغيير فلتر الهوا و يفضل النوع القابل للغسل و هو بيقي غالي شوية بس بيغنيك انك تحمل معك واحد احتياطي راجع  الفلتر المناسب للموتوسيكلك 

دائما بحاول اعمل الصيانة بنفسي علشان اتعرف علي موتوسيكلي و بيساعدني في كده كتاب   صيانة خاص بالموتوسيكل بتاعي و موقعه علي النت هو 

http://www.haynes.com/products/productID/464

هاينز هي شركة متخصصة في كتالوج السيارات و الموتوسيكلات 

بتجيب موديل او اتنين في الكتاب و بتشرحلك كل حاجة عن الموتوسيكل علي عدة اقسام من الاخر بتغطي  الموتوسيكل من الالف للياء 

و انا بيكون معايا نسخة الكترونية علي الكومبيوتر المحمول في السفر 

علي سبيل المثال  انا بابدأ صيانة موتوسيكلي حسب الكيلو متر اللي الموتوسيكل ماشيه 

بمعني لو موتوسيكلي عامل 30000 كيلو متر باشوف الصيانة اللازمة للكيلو متر ده في كتاب هاينز و بابدأ اعملها 

علي سبيل المثال 

تغيير البوجيهات و ضبط الكاربريتر و تغيير الفلاتر و صيانة الجنزير و التروس و الفرامل و الدبرياج و الرولمان بيل 

نمرة اتنين لازم اتاكد ان معايا ادوات و عدد الاصلاح للموتوسيكل و انها تكون عدة  و عالية الجودة لانها  بتبقي اسهل في اصلاح الموتوسيكل 

طقم عدد يصلح لمعظم الموتوسيكلات 

طقم العدة الاصلي للافريقا توين 

كده يبقي انت عارف انك لازم تعمل صيانة جيدة للموتوسيكل و انك تحمل معك العدد  و اللازمة لاصلاحة لو عطل منك و ما تنساش لافيهات تغيير الكاوتش 2  منهم  

بعد كده قطع الغيار التي تحملها معك 

فلتر زيت 

بوجيهات

ترس خلفي و ترس امامي لو الرحلة عدة الاف كيلو مترات 

عدة اصلاح الجنزير و قطعة احتياطي و عدة اقفال و حاول تعرف ازاي تركبها  لو قطعت منك   - طبعا لو موتوسيكلك كردان مالهمش لازمة 

فيوزات و قطعة سلك  احتياطي و لمبات الفوانيس بالذات الامامي و انوار الفرامل 

كابلات للبنزين و الدبرياج و انا دائما بركبهم بجوار الكابلات اللي راكبة و لو اي حاجة باظت منهم بركبها في الحال  لان تركيبها خلال الرحلة بيبقي صعب شوية و كمان بتوفر اني اشيلها في الشنط بتاعتي 

طقم اصلاح كاوتش  و بيفرق لو تيوبليس او باطار داخلي و كمان كومبروسر هوا بيشتغل علي ولاعة سجاير انا مركبها في الموتوسيكل و احتياطي باخد معايا منفاخ 

يدوي زي بتاع البسكلتة  علشان لو الكومبروسر اتعطل لاي سبب

اطار داخلي احتياطي امامي و خلفي 

اي حاجة تانية المكيانيكي بتاعك بيرشخهالك انك تاخدها يعني انا مثلا بيبقي معايا الكتروني احتياطي و كمان طلمبة بنزين احتياطي معايا

 

تجهيز الموتوسيكل 

 بعد تجارب كثيرة  دلوقتي باركب شبكة خلفية من الحديد خلف الكرسي و باثبتها في في الاجزاء الصلبة للموتوسيكل و حتختلف من موديل للتاني بس فكرتها واحدة 

انها تشيل اكبر كم من الشنط و باعملها  هوكات مثنية علشان اربط فيها براحتي و بحاول اعملها كلها رباط بالمسامير مش لحام  لاني في تجاربي السابقة بسبب حالات الطرق في افريقيا السيئة جدا او بسبب لسقوط بالموتوسيكل اللحام بيتكسر و بتبقي صعبة انك تلحمها في اي مكان  انما الرباط بالمسامير  بيبقي سهل اني اعيد تربيط المسامير كل كام يوم 

انظر الصورة  

 ممهر باللون الاصفر هو الشبكة 

 ممهر باللون  الاحمر هي عبارة عن ماسورة مياه من عند اي محل للادوات الصحية و باجيبلها غطاء من كل جهة و باستخدمها لحمل  العدد و كمان باركب واحدة سبيهة اسفل الموتور في البروتيكشين  انظر الصورة التالية 

 

 

ممهر بالاحمر

 ماسورة مياه كعلبة لحمل العدد و كمان تجعل توازن الموتوسيكل افضل 

نظرا لان معظم الحمولة بتبقي في الجزء الخلفي للموتوسيكل

ممهر بالاصفر

 

جركن بنزين في  جهتي الموتوسيكل  و باركبها علي مواسير حماية الموتور  و لها دور في توازن اكثر للموتوسيكل نظرا لان معظم الحمولة بتبقي علي  الجزء الخلفي  - علي فكرة حال الجركن ده اختراع برغم سهولته . اجانب كتير و اسماء مشهورة في عالم الترحال بالموتوسيكل  بتاخد الفكرة دي مني 

علشان تعرفوا ان المصري ........ ام  الاجنبي . هههههههه

  

الصورة العلوية موضح بها 

ممهر بالاخضر

 واقي اليد  و يفضل يكوم معدني لان اي سقطة الاطراف او جزء بيصاب و كمان للحماية من الرمال لانها مؤلمة جدا و الحصوات من السيارات التي امامك

ممهر بالازرق و الاخضر

 

كابلات احتياطي لكل من البنزين و الدبيراج 

ممهر بالاصفر

حامل للجي بي اس 

ممهر بالاحمر 

مثبت كاميرا جو برو علي علبة زيت الفرامل الامامية و ماتنساش تلصقها علي قطعن من الكاوتش علشان تتفادي الاهتزار اثناء القيادة 

حماية للفانوس الامامي 

 يارب اكون قدمت معلومة مفيدة و لو فيه اي سؤال عاوز تسأله ابعتلي و علي طول حارد عليك 

 

الطريق الي جهنم | Moyale road ,Northern Kenya

http://www.youtube.com/v/5yrX6mbo7_Y?version=3&autohide=1&showinfo=1&autoplay=1&autohide=1&attribution_tag=nU2gkbZ-ZIisipBWcFb52Q&feature=share

Aswan - Wadi Halfa ferry boat الطريق الوحيد بين مصر و السودان

http://www.youtube.com/v/1ELGUk-sb-M?version=3&autohide=1&feature=share&autohide=1&showinfo=1&attribution_tag=wQvwJTMNlbTIdKC2Vn9BBQ&autoplay=1

كينيا

عاصمتها نيروبي

و يحدها من الشمال اثويبيا و من الجنوب تنزانيا و من الغرب اوغندا  و من الشرق الصومال  و من الشمال الغربي السودان

عملتها هي الشلن الكيني و الدولار الامريكي يساوي حوالي 85 شلن كيني

كينيا من اشهر الدول لسياحة السفاري و مشاهدة الحيوانات  في الغابات المفتوحة

تبلغ مساحة كينيا حوالي 580 الف كيلو متر مربع و لها ساحل علي المحيط الهندي و يوجد العديد من المنتجعات الشاطئية الفارهة و المتوسطة

 و توجد بها جبال و مرتفعات اشهرها جبل كينيا و يصل ارتفاعه الي اكثر من 5000 متر  و يمر خط الاستواء بها شمال العاصمة نيروبي

المناخ

مناخ استوائي  حار رطب علي الساحل  و تنخفض الحرارة في المناطق الجبلية  و يقل المطر في الشمال شبه الصحراوي  

انسب اوقات السنة لزيارة نيروبي  خلال الموسم الجاف من شهر يناير و حتي  مارس او من شهر يوليو و حتي اكتوبر 

و يزورها الكثير من السياح من يوليو الي سبتمبر لمشاهدة موسم هجرة الحيوانات بالغابات المفتوحة و التي تسمي برحلات السفاري

السكان
تعداد السكان حوالي  33 مليون نسمة و يعيش في العاصمة نيروبي حوالي المليون و نصف المليون نسمة

تسعة و تسعون  بالمائة من سكان كينيا من الافارقة السمر وواحد بالمائة من الاسويين و الاوربيين و العرب و الهنود

اشهر الاعراق و القبائل بكينيا هي الماساي و الكيكوي او الجيكوي

و الكالنجي و الكامبا و اللوو

اللغات

اللغة الرسمية هي السواحيلي و الانجليزية و يوجد العديد من اللغات المحلية الاخري

الديانات 
خمسة و ستون بالمائة مسييحين
(خمسة و عشرون بالمائة و ثنيون (عبادة الطبيعة و الاوثان و الارواح
عشرة بالمائة مسلمين
و يجزم مسلمي كينيا انهم يمثلوا 35 بالمائة من سكان كينيا 

الاسلام في كينيا

دخل الاسلام كينيا اوخر القرن الهجري الاول مع التجار المسلمين و اقاموا العديد من المراكز التجارية بالساحل الشرقي علي المجيط الاطلنطي  وانتشر الاسلام الي الغرب – الداخل – و ذلك بسبب امانةو نزاهة التجار المسلمون

و ظهرت العديد من الامارات الاسلامية اشهرها لامو شمال مدينة مومباسا  و في الساحل الافريقي و بمرور الزمن اصبح المسلمين خليط بين العرب و الافارقة و عرقيات اخري مما ادي الي ظهور اللغة السواحلية – نسبة الي ساحل المحيط الهندي - و هي خليط من العربية و اللغات الافريقية و لغات اخري و كان تمركز المسلمين بجزيرة زانزيبار   و عرفت ببر الزنج و قد اسس العمانيين دولة قوية مزدهرة بها

تعرض المسلمون الي حروب صليبية عديدة علي يد البرتغاليين علي رأسهم فاسكو دا جاما الرحالة البحري الشهير الذي اكتشف طريق رأس الرجاء الصالح و مر بكينيا  و زانزيبار  تقريبا عام الف واربعمائة و ثمانية و تسعون
14كان فاسكود داجاما يكره العرب و المسلمين  علشان كل المسلمين و العرب اللي بيحبوه يعرفو

هدم اكثر من3ثلاثمائة مسجد بشرق افريقيا و اغار علي الكثير من مدن المسلمين و حرقها

و سوف نذكره بالتفصيل في  زيارتي لتنزانيا و جزيرة زانزيبار لاحقا

المهم ان بعد 2مائتي سنة من تواجد البرتغاليين في شرق كينيا و الساحل الهندي استطاعت القوات العمانية طردهم و اسسوا دولة قوية  و انتشر الاسلام بالداخل الافريقي ووصل الي غرب كينيا و تنزانيا و اوغندا حتي زائير

خط السير بكينيا 

شمال كينيا الطريق المعروف بالطريق الي جهنم و العياذ بالله اصعب واوعر طريق بالعالم و به عصابات و قطاع طرق و لا توجد اي خدمات او اسعاف 

بالقرب من فوهة بركانية شمال كينيا 

طرق غير ممهدة لمئات الكيلو مترات 

اشجار السافانا و المعروفة عند العرب بالطلح و السنط

النوم في العراء خير من النوم داخل الغرف 

عطل بسيط في الطريق و تم اصلاحه الحمد لله

الحمد لله وصلنا للطرق المسفلتة

ازاحة سلحفاة من الطريق لعدم تعرضها للدهس

المنصوري و ابتسامته الجميلة 

الاخدود او الشق العظيم بوسط كينيا علي ارتفاع اكثر من 2100 متر فوق سطح البحر 

مشاهدة فرس النهر من مركب صغير و هو خطير جدا يعني ممكن ياكلني انا و المنصوري 

الطبيعة الخلابة بكينيا 

غطاء راس من صوف الماشية بيدفي جدا بالذات في المناطق الجبلية 

افريقيا ارض المغامرات

صورة من كاميرا مثبتة علي الموتوسيكل اثناء القيادة 

يارب يكون عطل بسيط , الموتوسيكل بطل مرة واحدة و مافيش كهرباء خالص 

اعجاب الافارقة بلوحات الامارات  

اثيوبيا

اثيوبيا

عرفت بالحبشة في الادبيات العربية القديمة

 هي دولة غير ساحلية تقع في الهضاب الافريقية تجاور كل من جيبوتي و اريتريا و

السودان و الصومال و كينيا و الدولة الحديثة جنوب السودان

عاصمتها هي اديس ابابا و تعتبر من اكبر الدول الافريقية من حيث تعداد السكان 

حوالي  85 مليون نسمة طبقا لاحصائيات الامم المتحدة لعام 2011

اللغة الرسمية هي اللغة الامهرية و الانجليزية منتشرة في معظم اثيوبيا

البرBirr هي العملة الرئيسية و الدولار الامريكي يعادل حوال 19 او 20 بر و تعتبر دولة رخيصة للزيارة

الديانات الموجودة بها    

المسيحية و الاسلام و بعض المعتقدات الوثنية و اليهودية

الاحصائيات الرسمية تقول ان الاغلبية هي المسيحية و لكن  مسلمي اثوبيا يجزمون انهم الغالبية و اكثر من 55 بالمائة و الجدير بالذكر ان المسلمين في اثيوبيا يتعرضون للتفرقة الدينية و التمييز و الاضطهاد  من المسيحية المتشددة

من المعروف ان اولي هجرات المسلمين الاوائل كانت لاثيوبيا هربا من بطش كفار قريش

الكثير من يهود اثيوبيا هاجروا في العقود الماضية الي الدولة المحتلة  بفلسطين الحبيبة و المعروفين بيهود الفلاشا

المجتمع الاثيوبي مجتمع قبلي و من اشهر القبائل هي

الامهرة و التجراي و الاورومو و الصومالي و العفر  و اصلهم المعافرة و هم بطن من

 زيد بن كهلان من القحطانية من همدان باليمن و يطلق عليهم الدناكل ايضا و كان لهم 

دور كبير في نشر الاسلام بدول القرن الافريقي و لهم اقليم يسمي عفار و توجد 

محاولات لاستقلاله عن اثيوبيا من جانبهم

جغرافية اثيوبيا

 تتميز اثيوبيا بطبيعة خلابة و معظمها اماكن جبلية  تصل لاكثر من 3000 متر  و بها

 غابات و صحاري  و الكثير من الانهار و البحيرات العذبة و تخرج اكثر من

 80 بالمائة من مياه النيل المتجهة للسودان و مصر من اثيوبيا.

المناخ

تقع اثيوبيا في المنطقة المدارية الحارة  و بسبب ان معظم الاماكن المأهولة تقع في

 الهضاب المرتفعة عن سطح البحر لذا تتميز بجو معتدل و درجة الحرارة  في اديس

 ابابا تترواح بين 26 و 4 درجات مئوية

و انسب توقيت لزيارتها هو بين اكتوبر و ابريل  خلال موسم الجفاف و الموسم المطير

 من يونيو الي سبتمبر و تكون الامطار غزيرة

 

اشهر الاطعمة الاثيوبية

معظم الماكولات الاثيوبية تتكون من البقوليات و لحوم الماشية

اشهرها

الانجيرا و هو الخبز

التيبس و هي قطع لحم الماعز بالصلصة

و الكتفو و هو من اللحم

و توجد العديد من الاماكن المملوكة للمسلمين و بعض الاخوة من السودان و لبنان و 

الصومال يعني الاطعمة الحلال ما تنعي همها ,موجودة و بكثرة و بالهنا و الشفا 

خط سير الرحلة

الرحالة العرب في مدينة جوندر

  

 عبد الله ابو مبارك من اطيب الناس اللي ممكن تتسافر معها 

تناول نبات يشبه الفول الاخضر 

الشاب نصب علينا في حق خطوط التليفونات  تقريبا نصب علينا في حوالي 20 دولار . لما نشوفه تاني نوريله شغل البدو 

تناول القهوة  الاثيوبية وماتنسي تجرب الماكياتو . خطييييير 

تناول الغذاء في قرية صغيرة 

رحالة اوربيين علي دراجات هوائية لكل الناس  الكسلانة ادي السفر و لا بلاش . بالموتوسيكل اسهل بكثير 

مع فرقة كشافة اثيوبية

منور يا ذيب بدع زايد

اطفال اثيوبيا و  نهاية عام 2012 ميلادي 

استراحة علي الطريق 

المغامرة لا تعرف حدود .
الرجل في الصورة عمره لايقل عن 65 عام و قادم من اوروبا لافريقيا علي دراجة هوائية. و نعم المثابرة 

علم مصر مع اطفال من اثيوبيا .
تحيا مصر 

اديس ابابا
كانت اكبر مشكلة تقابلني في الرحلة هومد فترة تأشيرة زيارة اثيوبيا حتي اتمكن من زيارة كينيا و اوغندا و تنزانيا و رواندا و بوروندي و العودة مرة اخري لانها الطريق الوحيد للعودة 
 حاولت  من الخرطوم و لكن محاولة باءت بالفشل بالرغم من تدخل السفارة المصرية 
كان رد السفارة الاثيوبية بالخرطوم ان مد تأشيرة سارية لا يمكن الا من خلال اديس   ابابا
  اخي المنصوري كان معاه تأشيرة لمدة 6 اشهر فلا يوجد عنده نفس المشكلة 
في اديس كان استقبال السفارة المصرية و علي رأسهم السيد سفير مصر محمد ادريس غاية في الحفاوة و الكرم 
كعادة كل سفارات مصر بصراحة اجمل استقبال 
و اخص طبعا نائب السفير استاذ محمد غنيم و الديبلوماسي الشاب باهر . و كل الاخوة في السفارة المصرية 
باءت كل محاولات تجديد الفيزا بالفشل .

  طبعا واضح جدا حب السلطات الاثيوبية للمصريين و موضوع سد النهضة مؤثر جدا علي العلاقات الرسمية بين الدولتين

مع ان مصر تقوم بعمل الكثير من اجل اثيوبيا

اسرائيل لها علاقات قوية جدا مع اثيوبيا, و اثيوبيا كحكومات لها مواقف سلبية و 

بعض من الكراهية للعرب  بسبب حروبها مع اريتريا و ووقوف معظم الدول العربية بجانب اريتريا  و لاسباب تاريخية كثيرة

رأيي المتواضع
  
لازم يبقي فيه تحرك رسمي و شعبي و تعاون اقتصادي وتبادل الزيارات بين طلاب الجامعات بين البلدين لاذابة جبل الجليد

.الكثير من الاثيوبيين بيعتبروا المصريين مش افارقة و انما عرب غزاة 

المهم بعد اكثر من اسبوع لا امل في مد التاشيرة و الحل هو المحاولة من نيروبي بكينيا

خلال اقامتنا في اديس انا و المنصوري قمنا بزيارة ملجأ للايتام و الاطفال الفقراء

 بالتنسيق مع السفارة المصرية و قمنا بتوزيع بعض الهدايا و الحلويات

ايضا  كان لي الشرف بمقابلة السفيرة مني عمر و هي مساعد وزير الخارجية للشئون

 الافريقية و كانت في زيارة لاثيوبيا

و لاكثر من 30 عام تعمل في الخارجية المصرية و في افريقيا و علاقتها ممتازة مع

 الحكومات الافريقية 

بجد كنت مبسوط جدا اني قابلتها هناك

فتاة اثويبيا في الملابس التقليدية 

الجمال الاثيوبي 
من وجهة نظري المرأة الاثيوبية تتميز بجمال شديد  . لون بشرتهم ليس بالفاتح او الغامق 
و تكوينهم الجسدي  مقارب لمقاييس الجمال الاجنبية 
 يعني البنات زي الموديلز و اجسادهم رشيقة و curvy in a perfect way 
طبعا العرب و بالذات اهل البادية بيعشقوا المرأة الممتلئة و اللي لها مدافع من الامام  جهة الصدر و مدرعات من الخلف 
من الاخر مش حاتعجبك بنات اثيوبيا .هههههههه

طبعا انا بأعبر عن رأيي الخاص و مش عايز اي واحد يزعل مني

................الله جميل يحب الجمال  

 

زيارة ملجأ للايتام و توزيع الهدايا عليهم

زيارة ملجأ للايتام و توزيع الهدايا عليهم

استقبال السفارة المصرية

السفيرة مني عمر مساعد وزير الخارجية للشئون الافريقية 

سفير مصر باثيوبيا السيد - محمد ادريس 

  

ككل البدو يتمتع اخي عبدالله المنصوري بالعند و العند الشديد زي مابيقولوا في الامارات انه نحيس 
تقوله يمين لو مش مقتنع يقولك شمال 
قبل الرحلة ابلغته انه محتاج اطارات تصلح للطرق في افريقيا و انها موديل كذا صناعة كذا . وصل مصر باطارات غير مناسبة و كان رده بمنتهي الاستهزاء البدوي ان BMW 
 اكدت ان اطاراته مناسبة جدا لافريقيا  
و طبعا انا معلوماتي عن تجربتي في عدة رحلات في افريقيا 
انما بالنسبة للبدوي من بدع زايد انا عمر, حانفهم زي  اللي مصنعين الموتوسيكل ؟؟
طبعا التجربة خير برهان و اضطررينا ان نبحث عن  اطارات في اثيوبيا و الحمد لله وجدناهم 

نفس الشيء بالنسبة لتحميل الاغراض علي الموتوسيكل كان لازم يصنع شبكة صغيرة خلف كرسي الموتوسيكل للتحميل الجيد
 و طبعا انا كلامي في الهوا . و بعد التوقف مرات عديددة لاعادة ربط اغراض عبدالله . كان لازم نركب شبكة في اديس ابابا
 و الحمد لله لاقينا مكان  يقوم بصنعها 
طبعا كبدوي متعود علي تلك الطباع النحيسة لأنني انا كمان ببساطة نحيس هههههه    

اخونا ابو مطلق و ابو مبارك قرروا يتجهوا الي جيبوتي و نظرا لضيق وقتهم للرجوع الي العمل

و اشكرهم علي كل الاوقات الممتعة و صحبتهم

و ان الاوان انا و المنصوري نتجه جنوبا صوب الحدود الكينية

مغادرة اديس ابابا و الاتجاه جنوبا 

علي ضفاف احدي البحيرات 

وحشتني ايامك يالمنصوري 

الحمد لله و صلنا حدود كينيا سالمين 

تابعوني المحطة القادمة: كينيا و اهوال الطريق الي جهنم